Covid vaccine dose vbc 35 chuang semchhuak tawh
Ram pum huapa Covid-19 vaccine pekchhuah runpui kalpui mekah, CoWin aṭanga landanin vaccine hi dose vaibelchhe 35 chuang semchhuah a ni tawh.
Kum 18-44 inkar vaibelchhe 9.61 chuangin vaccine an la tawh tih Union health ministry chuan a sawi bawk.
Ningani bik khan ramchhungah vaccine 38,17,661 semchhuah leh a ni. Vaccine dose khatna la mi 21,80,915 tawhin, mi 84,107 te chuan dose hnihna an la a ni. Ram pumah kum 18-44 inkar vaccine dose khatna la tawh hi mi 9,38,32,139 an awm tawh a, dose hnihna la tawh mi nuai 22.6 an awm tawh bawk.
State pariat - Uttar Pradesh, Madhya Pradesh, Rajasthan, Tamil Nadu, Bihar, Gujarat, Karnataka leh Maharashtra-ah chuan kum 18-44 inkar mi nuai 50 chuang hnenah vaccine dose khatna pek ṭheuh an ni tawh.
Andhra Pradesh, Assam, Chhattisgarh, Delhi, Haryana, Jharkhand, Kerala, Telangana, Himachal Pradesh, Odisha, Punjab, Uttarakhand leh West Bengal-te chuan kum 18-44 inkar nuai 10 hnenah vaccine dose khatna hi an semchhuak ṭheuh tawh bawk a ni.