Bengal-a President's Rule puan ngenna SC-in ngaihtuah dawn

Supreme Court chuan West Bengal-a assembly inthlan zawh hnuah tharum thawhna hrang hrang thleng avanga President's Rule puan tura ngenna thehluh chu ngaihtuah a remti.

Justice Vineet Saran leh Dinesh Maheshwari awmna bench chuan petition thehluh hi ngaihtuah a remtih thu sorkar laipui, West Bengal leh Election Commission of India hnenah a hriattir nghal bawk.

Petition hi advocate Ranjana Agnihotri thehluh a ni a, assembly inthlan zawh hnuah state chhung hmun hrang hrang buaina leh tharum thawhna thleng chungchang chhui tura Special Investigation Team (SIT) din tur leh, boruak ṭha a awm theihna atan armed paramilitary force-te duty tir turin a ngen bawk.