Railways-in signalling system thlak dawn

Railway Minister Piyush Goyal chuan kum za zet an lo hman tawh, signalling system chu thlak an tum tih a sawi.

New Delhi-a chanchinthar lakhawmtute a kawmnaah minister chuan, "Tun hnaiah signalling system kan hman mek chungchang ngaihtuah hian meeting kan nei a ni. Signalling system pum hi tunlai hmanraw changkang zawk hmangin kan la thlak vek dawn a ni", a ti.

Minister chuan rel kawng thawm ṭhat hna pawh thawh mek zel a ni tih sawiin, kumin chhungin rel kawng km 3,500 a thui chu thlak tum a nih thu a sawi .

Indian Railways hian kumtinin chawhrualin rel kawng hlui km 2,500 hi a tharin a thlak ziah ang a ni a, tun financial year kal mekah hian km 3,500 dawna thui a thlak tawh a ni. Ram puma rel kawng thui zawng hi km 64,000 a ni.