Rajya Sabha-in record siam

Thawhlehni-a Rajya Sabha rorel inkawmah Question Hour chhungin starred question 15 te ngaihtuah hman vek a ni a, hei hi kum 15 chhunga starred question list a ngaihtuah kim vek awmchhun a ni.

Rajya Sabha rorel inkhawma starred question list ho ngaihtuah kim vek a nih hnuhnun ber chu kum 2002 daih tawh kha a nih thu Rajya Sabha secretariat chuan a sawi. Question Hour-ah hian member kal lo an awm nual a, zawhna zawttu zinga mi ngei pawh panga vel an tel thei lo a, hei hi pawi a tih thu House chairman Venkaiah Naidu chuan a sawi. Member-ten zawhna an zawh zingah hian GST filing, Indian Renewal Energy Companies rating chhiat chungchang leh Air India sum hloh chungchangte a tel.