India-in Israel firm nena inremna siam a sut

Israel arms firm chuan India sorkarin dollar matkaduai 500 man, Spike anti-tank guided missile siam tura inremna an siam chu a sut leh niin a sawi.

Rafael Advane Defence Systems Ltd thupuangtu, Ishai David chuan Ministry of Defence hnen aṭangin Spike deal an lo siam tawh cancel-na tur hriattirna an dawn thu a sawi.

Spike anti-tank guided missile hi ram 26-in an hmang mek a, India pawhin hman tumin Israel arms firm hi a thlang a, mahse contract ziahfel a nih hmain an inremna hi a cancel leh ta a ni. Company chuan India-in inremna a sut leh chhan hi a sawilang lo. Company hian he project thawhna tur hian tun hnaia Hyderabad-a an hmun pawh an hawng a ni.

Hetihlai hian Israel Prime Minister Benjamin Netanyahu chuan January 14 hian ni li cham turin rawn zin a tum a, Rafael CEO pawhin a rawn ṭawiawm dawn a ni. Netanyahu chuan ram hruaitute nena an inkawmnaah Spike deal chungchang hi a sawichhuah rin a ni.