Aam Aadmi Party-in RS candidate tur ruat

Delhi-a rorellai, Aam Aadmi Party (AAP) chuan January 16-a Rajya Sabha inthlan neih tura an party candidate atan chartered accountant Narain Dass Gupta, sumdawng leh social activist Sushil Gupta leh party functionary Sanjay Singh-te an ruat.

Deputy chief minister Manish Sisodia chuan an party political affairs ocmmittee (PAC) meeting an neih zawhah an candidate turte hi a puang a ni. Meeting hi chief minister Arvind Kerjiwal-a chenna inah neih a ni a, party MLA 50 chuang an tel.

AAP-in an party candidate atana NS Gupta leh Sushil Gupta an thlang hian sawizui a hlawh hle. Sisodia chuan kawng hrang hranga mi hmingṭha eng emaw zat an biakrawn thu sawiin, an zinga ṭhenkhat chuan AAP thawhpui chu politics lama neutral an nihna a tihbo an hlau a, ṭhenkhat chuan central-a rorellai BJP an hlau a, an lo hnar niin a sawi. Party mi leh sa ni lo, pawn lam mi sawm a nih chungchangah an party MLA te pawh biakrawn vek an nih thu leh, anni pawhin hnialna an neih loh thu a sawi bawk.