Sorkar laipuiin Swachh Survekshan 2018 a hawng

Sorkar laipui chuan Swachh Bharat Mission hnuaia cleanliness survey neihna tur, Swachh Survekshan 2018 chu Ningani khan a hawng.

Swachh Survekshan 2018 hnuaiah hian ramchhunga khawpui lian, mi nuai khat aia tam chenna chu national level-ah ranking a pe dawn a, mi nuai khat chen tlin lohna khawpui te chu State leh Regional ranking pek an ni thung ang.

Housing and Urban Affairs Minister Hardeep Singh Puri chuan Swachh Survekshan 2018 hmang hian India ram fai zawk a awm theih beisei a nih thu a sawi a, faina kawnga danglamna thlen tur hian mimal tinten mawhphurhna an nei a ni, a ti.

Survey neih turah hian kawng paruka teh a ni dawn a, heng zingah hian bawlh­hlawh lakkhawm leh tihral a nih dante, inthiarna kawnga hmasawn dan te, Swachh Survekshan chungchanga cam­paign neih dan te, bawlhhlawh tih riral chungchanga mipuite chhawr ṭangkai an nih dan te, public toilet enkawl dante chu endikna atan hian hman a ni ang.