Clean Ganga Fund atan Rs vbch 220 hmu tawh

Ganga lui thenfaina tura hma latu, National Mission for Clean Ganga (NMCG) chuan Clean Ganga Fund hnuaiah cheng vaibelchhe 220 a lakhawm tawh niin Lok Sabha-ah hriattir a ni.

Minister of state for Water Resources, River Development and Ganga Rejuvenation Satyapal Singh chuan ziaka zawhna a chhannaah hei hi sawilangin, CGF aṭang hian Rs 1,09,106 chauh hman a la nih thu a sawi bawk.

CGF hnuaia sum lakkhawmte hi mimal leh pawl aṭanga hmuh a ni.

Minister chuan Bi­har state-a tuilian leh bawlhlawh tling khawm avanga harsatna thleng ṭhinte chinfel dan ngaih­tuah turin member 11 awmna committee din a nih thu a sawi bawk.