PM Modi-a'n a cabinet tilian dawn

Prime minister Narendra Modi chuan a cabinet siksawiin a tilian thuai dawn nia sawi a ni.

PM Modi kaihhruai NDA sorkar ṭum hnihnaa union cabinet siksawina hmasa ber tur a ni a, tunhnaia asssembly inthlan neih zawh takna state panga aṭangin union minister thar lakluh belh an awm nual rin a ni.

Union cabinet-ah hian member 81 chin an awm thei a, tunah hian minister hi 53 an awm mek. Hei vang hian PM hian mi thar 28 a la ruat belh thei dawn a ni. Unon cabinet atana ruat thar tura sawirik zingah nikuma Congress party chhuahsana BJP zawmtu Jyotiraditya Scindia, Assam chief minister hlui Sarbananda Sonowal, Bihar deputy chief minister hlui Suhsil Modi, Maharashtra BJP leader Narayan Rane, Bhupendra Yadav leh LJP hotu Pashupati Kumar Paras-te an tel.