Aadhaar vangin zirtirtu lem 80,000 hmuchhuak

Human Resource Development Ministry chuan Aadhaar hman anih hnuah ram chhunga college leh university hrang hrangah zirtirtu a tak awm lo mi 80,000 hriatchhuah a nih thu a tarlang.

HRD Minister Prakash Javadekar chuan zirtirtu lem awmna an hmuhchhuah zingah hian central university erawh an tel lo niin a sawi.

Javadekar chuan sorkarin Aadhaar number ngaih pawimawh a, thehluh tura hriattirna a tihchhuah hnuah, a tak hmuh tur awm lo zirtirtu 80,000 zet hriatchhuah a ni tih sawiin, hetianga dik lo taka thiltitute chungah action pawh lak ngei a nih tur thu a sawi bawk.

HRD Ministry hian university zawng zawng hnenah thil dik lo taka tih a awm loh nan thawktu leh zirlaite Aadhaar number la vek turin a ti a ni.