Restaurant kangah mi panga thi

Bengaluru-a KR Market bul, Kalasiplaya a bar-cum-restaurant-ah nimin zing khan kangmei a chhuak a, mi panga an thi.

Senior police officer chuan Kailash bar hi Kumbaara Sangha building chhawng hnuai bera awm a nih thu sawiin, bar aṭang hian kangmei hi a chhuak niin a sawi. Kangṭhelhtute tirh nghal niin,darkar thum leh a chanve hnuah an ṭhelh mit thei chauh a ni.

Kangmei chhuah chhan hi hriat a ni lo a, Kalasipalya police-te chuan an chhui mek a ni.

Officer chuan bar licence hi VR Dayashankar hminga siam a ni a, police-ten an biak hnuah a bibo zui a ni. Bar-ah hian kangmei chhuak laka invenna tur engmah dah a ni lo tih a sawi.

Nimin vek khan Mumbai-a court building-ah kangmei a chhuak bawk a, thi leh hliam an awm lo. BMC Disaster Control chuan zing dar 7 velah Fort-a Mumbai City and Sessions Court building chhawng thumnaah kangmei hi a chhuak niin a sawi a, kangṭhelhtute tirh nghal an ni.