Kerala CM-in Coast Guard academy sawn tum duh lo

Kerala Chief Minister Pinarayi Vijayan chuan Coast Guard Academy, Kannur district-a siam tur, Karnataka-a Mangaluru-a sawn tum a nih chungchangah lungawi loin Prime Minister Narendra Modi-a hnenah lehkha a thawn.

PM hnena lehkha a thawnah,CM Vijayan chuan sorkar laipui chu dik lo taka a thil tih tum chu sut tura a phut thu a sawi a, academy sawn hi Kerala duh dan a ni lo, a ti.

State sorkar chuan academy ram atan hian ram acre 164 pawh a ruahman tawh a, hei bakah hian infrastructure atan cheng vaibelchhe 65.56 a seng tawh bawk niin a sawi. Prime Minister chu project siamna tura an hmun ruahmante enfiah tura special team tir tur leh, a ṭul anga hma la turin a ngen nghal bawk a ni.