PM-in Switzerland tlawh dawn

Prime Minister Narendra Modi chuan January 22 hian ni hnih cham turin Switzerland a tlawh dawn a, World Economic Forum (WEF), Davos-a plenary session-ah thu a sawi ang.

Tun ṭum hi kum sawmhnih chuang hnua India prime minister-in WEF-a thu a sawi lehna hmasa ber tur a ni. Kum 1997 khan khatih laia prime minister HD Deve Gowda chuan Davos Summit-ah thu a lo sawi tawh a ni.

External affairs ministry chuan thuchhuah siamin, prime minister hian January 22 hian Swiss Confederation President Alain Berset chu meeting a neihpui nghal dawn tih a sawi.

Kumina WEF thupui atan hian 'Creating a Shared Future in a Fractured World' tih hman a ni ang. Plenary session hi WEF Founder leh Executive Chairman, Prof. Klaus Schwab-an a kaihruai dawn a ni. He hunah hian ram hrang hrang aṭangin hruaitu 3,000 chuang an tel dawn a, an zingah hian sorkar lam hotu bakah company CEO te, artist leh civil society member-te an tel ang.