Jet Airways crew member kut aṭangin sum tam tak man

Directorate of Revenue Intelligence chuan New Delhi-a Indira Gandhi International (IGI) airport-ah Hong Kong ban tur, Jet Airways thlawhtheihnaa thawktu pakhat kut aṭangin US dollar, India pawisa a cheng vaibelchhe 3.2 hu an man.

Pawisa an manna crew member member hi hmeichhia a ni a, pawisa supply tu Amit tia sawi nen hrengin, thil awmdan chhui chian mek a ni. Airline pawhin a ṭul ang hian an thawktu chungah action an lak tur thu a sawi.

Report ṭhenkhatin a tarlan danin, crew member-in pawisa tam tham tak a kawl hi sum chheprelh thupna tura rangkachaka thleng tuma an ruahmanna niin an sawi. Amit hian crew member hi hminin, pawisa kawl tur hian a thlem thlu a, ani hian an pawisa kensak aṭang hian 1% a chang let ve dawn a ni. Thla hnih kalta chhung khan Hong Kong-a ṭum sarih an kalnaah US dollar nuai sawm vel a lo kenglut tawh nia sawi a ni bawk. A pawisa ken hi foil paper-in a tuam a, airport scanner ah pawh a katlangpui thei a ni.