Telangana-ah world record siam : Darkar khatah thing ṭiak mtd khat phun

Green India Challenge hnuaiah Pathianni khan Telangana-ah darkar khat chhungin thing ṭiak maktaduai khat chuang an phun a, khawvela plantation drive lian ber niin, world record an siam.

He hun hi Telangana Rashtra Samiti (TRS) Rajya Sabha MP J Santosh Kumar chuan Adilabad-ah hawngin, Guinness Book World Records ah ziahluh thuai beisei a ni. Record dinglai chu Turkey-a siam niin, kum 2019 khan thing nuai 3.03 an lo phun tawh a ni.

TRS member 30,000 chuang bakah tualchhung mite chu thing ṭiak phunnaah hian an tel a, Telangana forest and environment minister A Indra Karan Reddy pawhin a piancham pualin a hmanpui bawk a ni.