Hri leng thawh thumna August thla laihawlah thlen ring

State Bank of India (SBI) Research report tihchhuah tharah, Covid-19 hri leng thawh thumna chu India ramah August thla laihawl velah a thlen a rinawm niin a tarlang a, September thlaah a peak a thleng dawn niin an sawi.

SBI Group chief economic adviser, Soumya Kanti Ghosh chuan, "Data aṭanga chhutin, India ramah July chawlhkar hnihnaah chuan nitina hri kai thar hi 10,000 velah an tlak thlak a rinawm. Mahse August chawlkar hnihna aṭangin hri kai thar hi pung chho lehin, a peak hi thla khat hnuah a thlen a rinawm a ni," a ti. Report hi ram chhunga hri darh dan zirchianna aṭanga an chhut nia sawiin, hri leng thawh hnihna peak chu May 7 khan a thleng tawh a ni, an ti.