President hnenah report thehlut

Nikum October thlaa din, Committee of Governors chuan President Ram Nath Kovind-a hnenah report a thehlut a, report-ah hian hmasawnna tura hmalakna tur bial pawimawh bikte leh, governor-ten hma an lak theih dan turte an tarlang.

Report hi ‘Rajyapal —Vikas Ke Rajdoot: Catalytic Role of Governors as Agents for Change in Society’tih a ni. Governors committee hi nikuma governors conference ṭum 48-na neih a nih khan din a ni.

Committee-ah hian member panga an awm a, anni hian report hi an duang a ni. Member-te chu Andhra Pradesh leh Telangana governor ESL Narasimhan, Tamil Nadu governor Banwarilal Purohit, Uttar Pradesh governor Ram Naik, Tripura governor Tathagata Roy leh Himachal Pradesh governor Acharya Devvrat te an ni.

Committe hian hmasawnna hna thawhna kawngah governor-te chanvo neih dante enfiahin, governor-te chu an awmna state ṭheuhah development scheme hrang hrangte a taka kalpui a nih theihna tura an dinhmun pawimawhna an sawi a ni.