Patna-Mokama rel pindan panga a kang

Bihar-a Mokama rel station-ah Patna-Mokama khualzin phur rel pindan panga leh a engine chu Thawhlehni zan khan a kang.

Kangmei chhuah hun hi zan dar 1 vel a ni a, railway staff-te chuan station-a rel ding pindan pakhat kang hi an hmu a, an ṭhelh hmain pindan dang a kangkai hman a ni. He rel hi Patna leh Moaka inkara tlan niin, Thawhlehni zan 10.30 vel khan Mokama rel station hi a thleng a, platform nummber 4-ah a ding a ni. Kangmei chhuak hriat a nih veleh railways-a thawktute leh kangṭhelhtute an kal nghal a, mahse an ṭhelh mit hmain pindan panga leh engine te chu a lo kangchhe hman a ni.