NGO-in UIDAI data putru chhui chian phut

Chandigarh-a NGO, Human Rights Protection Council chuan Punjab and Haryana High Court-ah tun hnuaia English chanchinbu pakhatah, sum hmanga UIDAI data hmuhsak theih leh putru nia sawi chungchang chu chhui chiang turin a ngen.

Court chuan he ngenna hi nimin khan a ngaihtuah nghal a ni.

Petiton thehluttu leh NGO chairman, Ranjan Lakhanpal chuan court hnenah hian Aadhaar data putruk chungchang chu thil ngaihzam mai chi a ni lo tih a sawi. Aadhaar data-ah hian card neitu nihna kimchang chiang taka a lan avangin a mimal security palzutna lian tak a ni, a ti.

Hetih lai hian Punjab Chief Minister Captain Amrinder Singh chuan UIDAI-in English chanchinbu leh a journalist, Aadhaar data putruk a nih theih dan report tu Rachna Khera-te laka FIR a thehlut chu a sawisel. Singh chuan sorkar laipui chuan a tihfel tawk lo thup tuma journalist leh media-te laka thubuai siamsak mai loin, UIDAI sytem fel tawk lohna te chu a siamṭha zawk tur a ni, a ti.