Sanitary pad-ah GST lak tihtawp phut

Madhya Pradesh-a Gwalior khuaa zirlaite chuan sanitary napkins-a Goods and Services Tax (GST) 12% lak chu tibo tura phutin campaign an nei a, an thil phut hi napkins-ah hian ziakin, an thu ziahna napkins 1,000 hi Prime Minister Narendra Modi-a hnenah thawn an tum.

Campaign hi January 4 aṭang khan an nei ṭan a, social media lamah pawh thlawptu an nei ṭha hle. Zirlaite chuan he campaign hi hmeichhiate harsatna an tawh ṭhinte tarlanna pakhatna leh hmeichhiate thuam chakna tura kalpui an nih thu an sawi. Gwalior-a chengte chauh ni lo, ram puma hmeichhiate chu an hmalakna thlawp turin an ngen, sanitary napkins a thlawna neih theih emaw, chhiah lak ṭhin tihtawp theihna chu PM thuneihna a ni, an ti.