2019 ASQ Awards India airport-te an che ṭha

Kumtina sem ṭhin Airport Service Quality (ASQ) Awards 2019-ah India aiport-te an che ṭha hle a, airport pakua lai chu khawvela airport ṭha berah an thlang.

Delhi Airport, Mumbai Airport, Bengaluru Airport, Hyderabad Airport, Cochin Airport, Lucknow Airport, Mangalore Airport, Chandigarh airport leh Trivandrum airport-te chuan category hrang hrangah airport ṭha ber nihna an dawng a, airport pakhat hian category pakhat aia tamahte an dawng a ni.

Award hi  Airports Council International (ACI) pek a ni a, khawvel hmun hrang hrangah  Airport Service Quality programme kalpui behchhanin airport ṭha hi an thlang ṭhin a ni.  ASQ Departure Survey leh ASQ Arrivals Survey-te aṭangin airport ṭha hi an thlang.