Tamil Nadu sorkarin Cauvery lui tui a dil pechhuak turin ti

Tamil Nadu sorkar chuan a ṭhenawm, Karnataka state sorkar hnenah Cauvery lui tui tmcft (thousand million cubic feet) 15 pe chhuak turin a ti a, mahse Karnataka state chuan tui a ngah tawk lo nia sawiin a remti lo.

Karnataka Chief Minister Siddaramaiah hnenah lehkha thawnin, Tamil Nadu Chief Minister K Palaniswami chuan an state-a thlai chinte enkawlna tur hian lui tui hi tmcft 7 pechhuak nghal tur leh, a bak chu an tui khawlsa aṭanga pe chhunzawm turin a ti a ni.

Kum 2007-a Cauvery Water Disputes Tribunal in a lo rel angin, Tamil Nadu hian Karnataka state nena Cauvery lui tui an insem ṭhin aṭangin, kumtin tmcft 192 a dawng tur a ni a, mahse kum 2017-2018 atan lui tui hi tmcft 111.647 chiah ala dawng a ni.

Karnataka Chief Minister chuan tui an neih loh vangin Tamil Nadu hi an pe thei lo tih a sawi.