Indian ambassador Twitter account an hack sak
United Nations-a Indian ambassador Syed Akbaruddin-a twitter account chu hack sak a ni a, Pakistan flag bakah Pakistan President Mamnoon Hussain-a thlalakte post sak a ni.
Heng thlalakte hi nimin zing khan post a ni a, account 'blue tick' pawh a bo nghal a ni. Accout hi a hnuah siamṭhat leh nghal niin, a khawituten thlalak an lo post-te pawh paih a ni a, blue tick pawh a awm leh nghal a ni.
Pakistan firfiakte hian cyber attack hi an lo hmang fo a, India sorkar official-te account hi an khawisak fo tawh a ni. Ministry of Home Affairs (MHA) chuan kum 2016 khan sorkar website 199 chu hack a nih thu Parliament a hrilh. Kum 2013-2016 inkarah sorkar website 700 chuang zet hack a ni tawh bawk.