India chhuahsantute ram lilam dawn

Sorkar laipui chuan India rama in leh lo nei, China leh Pakistan rama pem a, ramdang mi nihna nei tawhte ram kalsan chu lilam a ni dawn tih a sawi.

Official chuan hetianga in leh lo an kalsante hi Home Ministry chuan a enfiah mek tih sawiin, hriat theih chinah property 9,400 chuang, cheng vaibelchhe nuai khat chuang man a awm tawh a ni, a ti. Hei bakah hian midang kuta an dah property 2,991 pawh laksak tum a ni bawk niin, official chuan a tarlang.

Home Minister Rajnath Singh chuan hetianga in leh lo an kalsante hi suma chantir tura tihral thuai a ngai tih sawiin, Pakistan ramah pawh India mite thil neihte chu an lo tihral sak tawh bawk niin a sawi bawk.

Pakistan rama pemten an thil neih an kalsan 9,280 zinga 4,991 chu Uttar Pradesh ami niin, West Bengal-ah 2,735 leh Delhi-ah 487 a awm bawk. China rama pemten an kalsan hi 126 niin, Meghalaya-ah 57, West Bengal-ah 29 leh Assam-ah pasarih a awm bawk.