Himachal Pradesh CM hlui Virbhadra Singh a thi
Himachal Pradesh chief minister leh Congress hruaitu hlun, Virbhadra Singh chu kum 87 mi niin nimin zing dar 3:40 khan Indira Gandhi Medical College (IGMC)-ah a thi
Senior Medical Superintendent, Dr. Janak Raj chuan Virbhadra Singh thih thu hi puangin, cardiology department doctor-te enkawlna hnuaiah Nilaini aṭang khan thawk lama harsatna a neih avangin ventilator hi hman tir a nih thu a sawi.
Virbhadra Singh hi MLA atan term kua leh MP atan vawi nga thlan tlin a ni tawh. Himachal Pradesh chief minister atan vawi ruk thlan tlin a ni tawh bawk a ni.
Congress hruaitu hlun hi union deputy minister, Tourism and Civil Aviation, minister of state for industries, union minister of steel leh union Minister of micro, small & medium enterprises (MSME) te a lo ni tawh bawk.