Kamal Haasan-an a party thar hming Feb-ah puang dawn

Lemchan thiam, politician-a inlet ta, Kamaal Haasan chuan a political party thar din hming chu February 21 hian Tamil Nadu-a Ramanthapuram-ah a puang dawn a, hemi ni vek hian state fang kual turin a zinchhuak nghal ang.

Kamal Haasan hian a khua, Ramanathapuram aṭanign Mudari, Dindigul leh Sivagangai district-te a tlawh hmasa ang. A party hming tur a puan rual hian, a kalphung turte pawh a puan nghal dawn tih a sawi.

Tamil superstar chuan state mipuite mamawh leh an harsatna neih dante, an duhthusamte hriat tumin state hi fankual a tum tih a sawi. A zinkual tur hian inthehlar tumna emaw, sorkar laka helna lantirna lam ni loin, mipuite dinhmun dik tak hriatchhuahna tur leh inzirna tur a nih thu a sawi.

Kum 57 mi, lemchanthiam hian a fanclub-te puihnain mi harsa zawkte puihna turin cheng vaibelchhe 30 dawn an tuak chhuak tawh tih a sawi bawk.