Pawisa note hlui Rs vbch 100 thuhruk man

Pawisa note thi, Rs 500 leh Rs 1000 note, a vaiin cheng vaibelchhe100 chu National Investigation Agency (NIA) leh Uttar Prades police-ten Kanpur-a in sak laia thuhruk an man.

NIA official-te chuan pawisa hi mimal emaw company emaw pali-panga vel ta a ni tih a sawi. Agency chuan heng pawisa thi tawhte hi dik lo taka pawisa thar nena thleng tuma thuhruk nia an hriat thu an sawi.

NIA senior official chuan Kanpur-a Swarup Nagar-a in sak laiah pawisa thi tawh tam tham tak thuhruk a nih thu hi a dawng a, hei hi UP police-te hriattir ve nghalin, thawkdunin an dap ta niin a sawi.

Nikum November thlaa sorkar laipuiin Rs 500 leh Rs 1000 note a tih thih hnuah khan heng pawisa thi tam tak hi banking system kaltlangin pawisa note thara thleng an ni a, hetihlai hian dan loa thleng pawh tam tak a awm bawk. Reserve Bank of India chaun pawisa thi zinga 99% vel chu bank-ah a thleng kir niin an sawi.