Agni-V ballistic missile test hlawhtling

India chuan Ningani khan nuclear ralthuam phur thei ballistic missile, Agni-V enchhinna neiin a hlawhtling hle.

Agni-5 hi surface-to-surface missile niin Km 5000-a thui a kap thei a, Odisha tuipui kama Abdul Kalam Island-ah Ningani zing dar 9.53 khan hlawhtling takin an enchhin a ni.

Agni-V hi metre 17 a sei niin a vang lam hi metre 2 vel a ni a, tonne 50 vela rit niin nuclear ralthuam tonne khat laia rit pawh a phur thei.

Agni-V developmental trail hi vawi nga lai neih a lo ni tawh a, enchhinna hmasa ber hi April 19, 2012 khan neih niin, 15 September 2013, January 31, 2015, leh December 26, 2016 khan enchhin a ni tawh bawk a, heng enchhinna zawng zawng hi a hlawhtling vek a ni.

Defence Minister Nirmala Sitharama-i pawhin missile enchhinna hi an nei ngei tih a sawi a, an hlawhtling hle niin a sawi bawk.

Agni missile system hi Intermediate-range ballistic missile (IRBM) a ni a, chi hrang hrang panga- Agni-I, Agni-II, Agni-II Plus, Agni-III leh Agni-V-te a ṭhenhran a ni. Tuna an enchhin Agni-V hi Inter-Continental Ballistic Missile (ICBM) niin nuclear ralthuam phur thei tura siam a duan a ni a, hla tak kap thei tura siam a ni bawk.

Surface-to-surface Agni-V hi Agni series hoah hian a changkang ber a, technology thar ṭha tak taka thuam niin navigation, guidance, warhead leh engine-ah te a ṭha bik hle a ni. He missile ṭhat bikna chhan em em chu The Circular Error Probable (CEP) a hmang a, hei hi khawvelah pawh a class sang ber zinga mi a ni.