High Court in PM Office Rs. 5000 chawi tir

Allahabad High Court Luchnow bench chuan Prime Minister Narendra Modi office chu cheng 5,000 chawi turin a hriattir. PMO hian Public Interest Ligitaion (PIL) chungchanga affidavit a file loh avangin court chuan thupek hi a chhuah a ni.

Justice Sudhir Agrawal leh Justice Abdul Moin-te kaihhruai bench chuan Sunil Khandu-a PIL file chungchang hearing an neih hnuah thuchhuah hi an siam. PIL-a a landanin sorkar laipui hian CAG report 10 chiah an hre duh a, a dang zawng an hre lo der nia tarlan a ni a, CAG hian report 5,000 chuang mah sorkar hnenah hian kumtin an submit niin an tarlang.

Hemi bakah hian PIL chuan CAG audit objection a siam chungchangah kum 10 kalta chhunga hma a lak miah loh avangin PMO chu zawhna a zawt bawk a, a chhan sawifiah turin a phut a ni. January 9-a PIL hearing neihah bench chuan chhanletna file tura tihna chu August 1, 2017 daih tawh khan a tichhuak tawh tih a hmuchhuak a, thla khat lai hun pek an ni chung pawha chhanletna hmuh a nih loh thu an tarlang bawk.

Sorkar lam aiawh Additional Solicitor General SB Pandey chuan court chu hun tam zawk pe turin a ti a, hemi anih avang hian court lam ngaihdan ni lo chuan cheng 5000 chawi turin a ti ta a ni.Hemi chungchang hi kar thum hnuah ngaihtuah a nih leh tur thu court thuchhuah chuan a tarlang bawk.