Maha-in fahrah tan sorkar hna 1% quota pawm

Maharashtra cabinet chuan an state chhunga general category hnuaia sorkar hna thawk tur laknaah fahrah tan 1% reservation siamsak a remti.

Official chuan cabinet thutlukna siam hian fahrahten hna an dilnaa an hnam an hriat loh ṭhin avanga harsatna an tawhte a reh phah thei dawn niin a sawi.

Women and Child Welfare Minister Pankaja Munde chuan, fahrahte tana reservation siam chu an dinhmun siamṭhahna tura thil pawimawh tak a nih thu a sawi. Fahrahte hi fahrah enkawlna hmun an chhuahsan aṭangin kawng hrang hrangin harsatna an hmachhawn nghal thu a sawi a, an hnamte an hriatchian loh avangin category bik siamahte an tel thei lo a, hei vang hian zirna lamah leh khawtlanga an dinhmunahte pawh harsatna an neih phah a ni, a ti.