Israel PM Netanyhua an ramah kir

Ni ruk chama rawn zin, Israel Prime Minister Benjamin Netanyahu chu nimin khan an ramah a kir leh ta.

Netanyahu hi January 14 khan India a rawn thleng a, a cham chhung hian ram hruaitu pawimawhte a kawm a ni. Prime Minister Narendra Modi leh Benjamin Netanyahu-te kaihhruaia ram pahnih aiawhten inbiakna an neih hnuah thawhdunna tur inremna thuthlung pakua ziah a ni a, heng zingah hian cyber security leh oil leh gas lama thawhdunna turte pawh a tel a ni.

January 16 khan Netanyahu leh Modi-te chuan India-Israel Business Summit an hmanpui a ni.

Netanyahu hian Ningani khan Mumbai-a Nariman House-ah 26/11-a Pakistan firfiakten Mumbai khawpui an beih ṭuma a nu leh pa an kahhlum sak, Juda mi Moshe Holtzberg a hmu a, 26/11-a firfiakte pawikhawihna thlenga thite hriatrengna pangpar a dah bawk.

January 17 khan Modi leh Netanyahu-te nupa chuan Ahmedabad-ah mega roadshow neiin, Mahatma Gandhi chenna ṭhin pawh an tlawh bawk.