Goa-a tourist taxi-te nuar

Goa-a tourist taxi chuan nimin khan nawrh an huaihawt a, taxi 18,000 vel an din avangin mipuiten harsatna an tawh phah nasa hle.

Taxi operator-te hian an chunga police leh transport department official-te inluling lutuk an duh loh vang leh, an motor-ah speed governor dah ngei ngei tura an phut avangin an lungawi lo a ni. Goa sorkar chuan tourist taxi-te nawrh huaihawt hi dan kalh a ni tia sawiin, Essential Services and Maintance Act a hmang nghal a ni.

Tourist taxi-te nawrh huaihawt vanga mipuite harsatna tawh sutkian nan hian bus 300 leh private motor 1,000 te chu service tir an ni tih Transport Minister Sudin Dhavalikar chuan a sawi. Zing lamah pre-paid taxi 350 te chu service mah se, a hnuah nawrh hi an zawm ve leh a ni.