CSIR-in DCGI remtihna nghak

Covid-19 kaite enkawlna tur Favipiravir damdawi hmanna turin Drug controller General of India (DCGI) remtihna nghah mek a nih thu Centre for Science and Indus­trial Research (CSIR) Director General, Dr. Shekhar Mande chuan a sawi. 

Hri kai enkawl dam theihna damdawi hmuh chhuah tumin CSIR hian damdawi 10-ah enchinna a nei mek a, chung zingah chuan Favipiravir pawh hi telin Pharmaceuti-cal company, Cipla nen ṭangkawpin an enchhin mek a ni.

Favipiravir hi antiviral medication a ni a, Japan rama hri leng hrang hrang kaite enkawl nana an hman ṭhin. Japan-a Toyama Chemical (Fujifilm group) chuan he damdawi hi a siam chhuak a ni.