Kejriwal-a'n Delhi Corona App siam a ni tih a sawi
Delhi chief minister Arvind Kejriwal chuan Covid-19 kaite ṭanpui nan, Delhi Corona App siam a nih thu video conference kaltlangin a sawi.
He app thar hi Covid-19 kaite tana siam a nih angin, damdawi-ina khum leh ventilator awl leh awl lohna hmun hriat theihna tura duan a ni. Google Play-ah he app hi download theihin a awm tawh a, ni khatah vawi hnih zing dar 10 leh zan dar 6-ah update ṭhin a ni ang.
Kejriwal chuan Delhi-a hri kai hi an pun chhoh mek thu sawiin, he hri kai hian pun lam pan zel mah se kan chiai lo a ni, a ti. Nimina hri kaite tana hman tur Delhi Corona App tihchhuah hi mipuiin awlsam taka an hman theih nan WhatsApp number - 880007722 leh, damdawi-ina khum awl awm leh awm lohna hmun zawhfiah theihna tur helpline number - 1031 tarlan a nih thu a sawi.
Maharashtra leh Tamil Nadu tih loah chuan Delhi hi India rama hri kai tam berna hmun a ni a, containment zone 147 a awm tawh a ni.