Nitish Kumar-a Z+ security pe

Union Ministry of Home Affairs (MHA) chuan Bihar Chief Minister Nitish Kumar-a hnena Z category security pek chu Z+ category-ah a tisang.

Tun hnaiah Nitish Kumar-a chuanna leh a zuitu motor-te chu Buxar-ah mipuiin lungin an tawng a, hei vang hian security guard ṭhenkhat pawhin hliam an tuar a ni. He thil thleng vang hian Kumar-a hnena security pek pawh tihsan sak a ni.

Nikum July thlaa Nitish Kumar-an Congress leh RJD nena an thawhhona, Grand Alliance chhuahsana Bihar CM a nihna aṭanga a ban hnu, BJP nena sorkar thar siam tura hma an lak dun lai khan sorkar laipui chuan Z+ security hi pek a lo tum tawh a, mahse Kumar hian a lo hnar a ni.

Z+ security pek a nih dawn tak avangin Kumar hi vengtu National Security Guards (NSG) pali pek belh ani dawn a, anni bakah hian Central Reserve Police Force (CRPF) in an la veng chhunzawm bawk ang.