Ni hnih chhung atan ram pumah Bank nuar

All-India Bank-te chu hlawh chungchanga an lungawi loh avangin, nimin leh vawiinah rampum huap nawrh an  huaihawt. 

Ningani khan United Forum of Bank Unions (UFBU) hnuaia bank-a hnathawkte leh Indian Bank's Association (IBA) ṭhukkhawmna neih  a ni a, he hunah hian kum 2017 November thlaa a an ngiat tawh, kar khata ni 5 chhung hna thawh leh an hlawh 20%-a tihsan an phut chu tun thlenga sorkarin a la tihpuitlin sak loh avangin, nimin aṭang khan rampum huapa nawrh hi huaihawt a ni. 

Bank nawrh vang hian  ATM ṭhenkhatte chu a hman theih dawn loh bakah, a bik takin Tamil Nadu, Maharashtra, Andhra Pradesh, Telan­gana, West Bengal, UP, MP, Delhi, Punjab, Gujarat, Karnataka, Kera­la leh Bihar-ah chuan bank an dawr theih lo ang. Private bank ICICI leh HDFC Bank-te chu nawrh huaihawt hian a huam tel ve lo.