Anna Hazare-an Modi hnenah ṭum 30 lehkha thawn tawh

Anti-corruption activist Anna Hazare chuan Prime Minister Narendra Modi-a hnenah ṭum 30 chuang lehkha a thawn tawh a, mahse PM hian tun thlengin a la chhang lo tih a sawi.

Maharashtra-a Sangli-ah Pathianni khan Hazare hian vantlang inkhawm a buatsaih a, hemi ṭum hian kum thum kalta chhunga Modi-a hnenah ṭum 30 chuang lehkha a thawn thu hi a sawichhuak a ni. Hazare chuan Modi chu inchhuang leh PM a nihna hre lutukah puhin, a lehkha pakhat pawh a la chhang let duh lo niin a sawi.

Anna Hazare hian March 23 hian loneitute pualin nawrh huaihawt leh a tum a, he nawrh huaihawt tur hi a liantham dawn a, sorkar tan pawh warning a ni nghal dawn a ni, a ti. Sorkar laka a thil phut zingah hian Lokpal a taka kalpui te, Lokayukta din te, lonetiute hnena pension Rs 5,000 pek te leh an thlai tharchhuah te man sang zawka leisakte a tel.