Shiv Sena-in inthlanpuiah BJP thawhpui dawn lo

Shiv Sena party chuan nimin khan resolutin pass-in, Maharashtra assembly inthlan neih turah leh, nakkuma Lok Sabha inthlanpui neih tura party dang thawhpui loin a mal din dawn tih a sawi.

BJP nena thawkdun mek, Shiv Sena chuan BJP thawhpui tawh lo a, party mala an dinna tur resolution hi Mumbai-a executive committee meeting-ah lungrual takin an pass a ni. State assemmby inthlan neih turah seat 288 awmah seat 150 leh, Lok Sabha-ah seat 48 awmah seat 25 tal party mala lak phak an inrin thu an sawi bawk.

Sena hruaitu Sanjay Raut chuan Hindutva hming chhalin BJP chuan Sena chu a thawhpui a, dawhthei takin Sena chuan kum thum chhung an lo tuar tawh a ni, a ti. Mahse kum thum kalta chhunga BJP chetdan chu Sena tihhmingchhiat tum leh, dik lo taka a thuneihna hmang ṭhinah puhin an thawhpui theih tawh dawn lo thu a sawi.