SC-in Padmaavat film chungchang thuchhuah sut dawn lo

Supreme Court-in state hrang hrang-ah 'Padmaavat' tihchhuah khap tumna a hnawl chu ngaihtuah ṭha turin Rajasthan leh Madhya Pradesh-in ngen mah se, a thupek siam tawh chu sut a tum lo.

SC chuan state pahnihten Padmaavat film chungchang ngaihtuah nawn tura an ngenna chu hnawlin, thupek a lo siam tawh angin he film hi an state-ah pawh chhuah turin a ti a, buaina chhuak lo tura dan leh thupek kengkawh ṭha turin a ti.

State pahnihte hian film sawisel hlawh tak, Padmaavat hi tihchhuah a nih chuan a dodaltuten buaina an chawhchhuah a hlauhthawnawm thu chhuanlamin, court hnenah a thupek siam tawh chu ngaihtuah ṭha turin a ngen a ni. Mahse SC chuan an ngenna hi chhangin, state-te hian an state chhungah harsatna an siam hmasa a, hemi hnuah film hi khap turin SC an pun leh chauh a ni, a ti.

Padmaavat film hi January 25-ah tihchhuah tum a ni.