Custom deptt. in rangkachak Rs nuai 90 chuang hu man

Custom Department-a air intelligence unit chuan Pathianni khan Chennai airport-ah rangkachak kg 2.5 chuanga rit, cheng nuai 90 chuang hu an man.

Custom official-te chuan thu an dawn bawhzuiin Pathianni khan Dubai aṭanga rawn thleng, kum 26 mi Cheriya Parambath Anasar chu an man a, a kut aṭang hian rangkachak gram 829-a rit, cheng nuai 25 man an mansak a ni.

Hemi ni vek hian official-te chuan Dubai aṭanga rawn thleng bawk, hmeichhe pahnih Ummal Bajria-i (69) leh Halima Nachiya (47)-te chu airport-ah hian lo dapin, an burkha hnuaia an thuruk rangkachak gram 492, cheng nuai 28 man an lo mansak bawk.

Custram official-te chuan Bangkok aṭanga rawn thleng, Barakathnisa Shamsudeen kut aṭangin rangkachak gram 379 leh, Kuwait aṭanga rawn thleng Sivaiah Kokkanti (44) kut aṭangin rangkachak gram 333.8 an man tel bawk. Anni bakah hian Bangkok aṭanga thleng vek, Byrozkhan Sulaiman (41) kut aṭangin rangkachak gram 535 man a ni bawk a ni.