Congress-in Haryana sorkar bang turin phut

Congress party chuan 'Padmaavat' film tihchhuah tur duh lo a, Haryana-a Gurugram khuaah mipui ten tharum thawhna leh buaina nasa tak an chawh chhuah avangin Haryana sorkar a dem thu leh, BJP sorkar hi bang tura a phut thu a sawi.

Congress thupuangtu Randeep Singh Surjewala chuan Haryana Chief Minister Manohar Lal Khattar-a kaihhruai sorkar chuan state chhungah dan leh thupek a kengkawh zo lo niin a sawi. Mipui pungkhawmte hian school bus-te beiin lungin an tawng a, he thil thleng hi tumahin an ngaidam thei dawn lo tih a sawi. School bus bakah Haryana Roadways bus pawh hal a ni a, buaina chhuak thunun tur hian thuneitute an che chhuak lo a ni, a ti.

BJP sorkar chu beiin, Surjewala chuan sorkar chuan dan leh thupek a kengkawh zo lo a, hei vang hian thuneihna chelh zui zel turin dikna a nei lo a ni, tiin a sawi. Tharum hmanga buaina chinfel tum chu an pawm thei ngai lo tih a sawi a, sorkar chu khauh taka dan a kengkawh thei dawn lo a nih chuan a bang mai tur a ni, a ti.