'2 children policy' atan minister campaign dawn

Union Minister Giriraj Singh chu India ram mihring pung chak lutuk venna tur dan siam a nih theih nan a campaign dawn.

Bihar-a Navada bial MP, Giriraj Singh hian mihring pung chak lutuk venna atan hian India ramah fa pahnih chauh neih phalna, 'two children policy' siam leh hman a duh thu a lo puang tawh a ni. Patna-a chanchin thar lakhawmtute a kawmnaah, minister chuan ram mipuite pun chak dan te, ram leilung hausak dan te thlirin he policy hi hman ngei a ṭul niin a sawi.

BJP sorkarna, Assam state chuan draft population policy a siamah, fa pahnih aia tam neite chu sorkar scheme aṭanga hamṭhatna dawng thei turah telh tawh loh an lo rawt tawh bawk.