LoC-ah Pakistan-in inkahhai vawi 2,335 a bawhchhia

Jammu region-a Line of Control (LoC)-ah kum 2019, May 30 aṭanga kumin January 20 thleng khan Pakistan chuan vawi 2,335 inkahhai puan a bawhchhia.

Nikum May 30 aṭanga kumin January 15 inkar khan ramri kana inkahna vawi 177 a thleng bawk a, India sipai pariat an thi a ni. 

Thawhṭannni khan Jammu region-a LoC leh Kashmir-a Tangdhar sector-ah inkahhai bawhchhiatna a thleng leh a, he thil thlengah hian civil mi thi an awm tih tarlan a nih bakah, mi paliin hliam an tawrh thu tarlan a ni bawk. 

Nikum August-October inkar khan LoC-ah Pakistan hian vawi 950 inkahhai a bawhchhia a, ramri kana inkahna vawi 79 a thleng bawk. He inkahna thlengah hian India sipai pali an thih bakah 7-in hliam an tuar.