Doklam hi China ram a ni : PLA

China sipaite chuan India sipai hotuin India, China leh Bhutan-te inṭhenna, Doklam bial chu ram inchuh, disputed terrior­ty-a a sawi chung­chang sawi­selin, Doklam chu Chi­na ram ami a ni tih a sawi.

China sipaite hian nikum July-August khan Doklam-ah hian kawng siam an tum avangin India sipaite tirh an ni a, ram pahnih sipaite hi ni 73 zet a inep hman a ni. Ram pahnih sipai aiwhten inbiakna an neih hnuah sipaite hi koh let an ni leh ta chauh a ni.

Indian Army hotu Gen Bipin Rawat chuan ram pahnihte inep chungchang leh, Doklam ram chu ram inchuh lai a nih thu a sawi chu chhangin, China sipai People's Liberation Army (PLA) chuan Doklam (Donglang) chu China ram peng pakhat a nih thu a sawi a, Gen Rawat-a thusawi dan aṭangin India sipaite chu Donglang-ah dik lo takin an lut tih a hriatfiah theih a ni, a ti.

PLA leh defence mi­­nis­try thupuangtu Senior Colonel Wu Qian chuan Indian journalist eng emaw zat hnenah Donglang chu China ram chin a nih thu pawh a hrilh tawh niin a sawi a, nikuma thil thleng aṭang khan India lam chu hetiang buaina thlen nawn tawh loh tura an inzirchhuah a beisei thu a sawi.