Rahul Gandhi-a Constitution humhalh zel turin fuih

Cogress Party president Rahul Gandhi chuan ram mipuite chu ram danpui, Constitution leh a hlutnate humhalh zel turin a fuih.

Republic Day puala a hma nia thu a tihchhuahah, Rahul Gandhi chuan Constitution leh ram mipuite tana hlutna chu hriat thar zel a pawimawh thu a sawi a, nidang zawng aiin ram danpui humhalh leh venghim tura ṭan lak a ngaih thu a sawi. Hemi rual hian mipuite chu Republic Day hlim taka hmang turin duhsakna a hlan nghal bawk a ni.

India ram chakna chu a ram chhunga hnam leh sakhaw hrang hrangte inlungrualna vang a ni tih sawiin, Gandhi chuan BJP chu ram mipuite ṭhendarh tuma cheah a lo puh fo tawh a ni. Mipuite chu enhran bik awm loa, ang khata en tur an ni tiin, hei hi a thu chauh ni loin, a taka kalpui tur a ni, a ti.