UP, MP leh Rajasthan-ah ṭekin mi 68 deng hlum

Uttar Pradesh, Madhya Pradesh leh Rajasthan-ah Pathianni khan ṭekin mi 68 a deng hlum.

Uttar Pradesh-ah ṭekin a den hlum hi mi 41 niin, Madya Pradesh-ah mi pasarih leh Rajasthan-ah mi 20 an awm bawk. Ṭekin a den hlum zingah hian naupang eng emaw zawt an tel bawk.

Prime minister Narendra Modi chuan vanduaina tawk chhungte a tawrhpui thu nimin khan a sawi a, state pathuma ṭekin a den hlum chhungte hnenah hian sorkar laipui chuan Prime Ministers National Relief Fund (PMNRF) aṭangin zángnadawmna, cheng nuai hnih ṭheuh a pe dawn tih sawiin, hliam tuarte hnenah Rs 50,000 pek an ni dawn tih a sawi bawk.

Uttar Pradesh chief minister Yogi Adityanath pawhin an state-a ṭekin a den hlum chhungte chu state sokarin zángnadawmna, cheng nuai nga ṭheuh a pe dawn tih a sawi. Hei bakah hian ruahsur nasain chhiatna a thlen avanga an ranvulh chante chu sum hmanga puih an nih tur thu a sawi bawk a ni. UP-a ṭekin a den hlum zinga 14-te chu Prayaragraj district-a mi an ni a, thi zingah hian naupang eng emaw zat an tel.

Rajasthan chief minister Ashok Gehlot pawhin an state mi, ṭekin a den hlum chhungte chu cheng nuai nga ṭheuh an pe dawn tih a sawi a, cheng nuai li hi emergency relief fund aṭangin an pe dawn a, a bak cheng nuai khat chu Chief Minister Relief Fund (CMRF) aṭangin pek an ni ang.