Sorkarin kawng km 1,00,000 a thui siam dawn

Ministry of Rural Development chuan thla 14 chhungin rural area-ah kawng, km 1,00,000-a thui siam a tum.

Department of Rural Development Secretary, Amarjeet Singh chuan kawng km 1,00,000-a thui siamna tur hi an sanction tawh tih sawiin, nakkuma Lok Sabha inthlanpui neih hmaa zawh hman tum a ni. An ruahman anga kawng hi siam anih chuan darkar khat chhungin km 9.92 zela thui siam a ni dawn a ni.

Rural Ministry chuan Pradhan Mantri Gram Sadak Yojana hnuaiah rural area-ah km 528,163-a thui kawng a siam tawh niin a sawi a, sorkar laipui chuan a senso hi PMGSY hnuaiah 60% tumsakin, a bak chu state sorkarin a tum thung a ni.

Union Budget 2018 siam turah Rural Ministry chuan kawng siamna tura atan hian cheng vaibelchhe 21,700 pekbelh tura Finance Ministry hnena an ngen thu a sawi. Secretary chuan Pardhan Mantri Awas Yojana (PMAY) hnuaiah ministry chuan chenna in neilo te tan in vaibelchhe 1.5 sak sak a tum mek tih a sawi bawk.