Varun Gandhi-an MP hausate hlawh la lo turin ngen

BJP MP Varun Gandhi chuan Lok Sabha Speaker Sumtira Mahajan-i hnenah lehkha thawnin, MPzinga a hausa deuhte chu an term la awmah an hlawh la tawh lo mai turin a ngen. Hetianga an tih chuan mipuiten an aiawha an thlante lakah rinna an nghat ngam zual dawn a ni, a ti.

Sultanpur bial MP, Gandhi chuan ram chhunga mi hausa leh rethei inthlauhna zau zel chungchang chu a ngaih pawimawh thu sawiin, hei hi democracy tan thil ṭha lo tak niin a sawi. Hetianga mi hausa leh rethei inkar kak zau zel chungchang hi mipui aiawhtute chuan an hriatchian a ngai tih a sawi.

Hemirual hian MP ṭhenkhat chu hlawh an lak loh chuan an buai phah hle thei tih a sawi. MP-te hian thla khatah Rs 50,000 an hlawh bakah, allowance eng emaw zat an dawng bawk a, heng zingah hian constituency allowance Rs 45,000 pawh an dawng tel a ni. Gandhi-a chuan sorkar laipuiin MP pakhat tana thla khata a sum sen hi cheng nuai 2.7 vel a nih thu a sawi. Hetih lai hian MP zingah mi hausa tawntaw, chng vaibelchhe chuang nei hi an pung chak a, kum 2009-a crorepati 319 an awm laiin 2018-ah chuan 449 an awm tawh a ni, a ti. Lok Sabha member zingah 132-te chu cheng vaibelchhe 10 chuang nei an ni.