AAP MLA ban tum chhan sawifiah turin EC phut

Delhi High Court chuan Eleciton Commission hnenah Delhi-a rorellai, Aam Aadmi Party (AAP) MLA 20-te parliamentary secretary-a ruat an nih chungchangah, office of profit chelha puha ban tir a tumna chhan sawifiah turin a ti.

EC chuan AAP MLA 20-te hi hmun dang aṭanga hlawh la telah puhin President Ram Nath Kovind-a hnenah MLA an nihna aṭanga ban turin rawtna a thlen a ni. MLA ban tum zinga ṭhenkhat hian Assembly member nihna aṭang ban tum an nih chungchang an khing let a ni. Hemi hnu hian Justice Sanjiv Khanna leh Chander Shekhar awmna bench chuan poll panel hnenah hian affidavit thehlut turin a hriattir a ni.

Commission chuan court hnenah hian President hnena AAP MLA 20-te, Parliament Secretary atana ruat an nih avanga ban tura rawtna a thlen chungchangah a ngaihdan a la ngai reng tih a hrilh.

Court chuan MLA-te'n EC thutlukna an khin let chungchang hi February 7-a ngaihtuah leh turin a dah. Hei bakah hian MLA ban takte hmun ruak, assembly seat 20 hnawhkhatna tura bye-election neih tur chungchang thuchhuah siam rih lo turin EC chu a ti bawk.