India Post staff-ten Khadi uniform ha dawn

31st January, 2018

India Post hnuaia thawk, postmen leh postwomen-te chuan February thla aṭang hian kuttah kawr(khadi) vek an ha tawh dawn.

Union Minister of State (Independent Charge) for Micro, Small and Medium Enterprises Giriraj Singh leh Minister of State (Independent Charge) Communications Manoj Sinha-te chuan India Post staff-te khadi uniform tur hi an tlangzarh. Cheng vaibelchhe 48 man, Khadi uniform hi Khadi and Village Industries Commission (KVIC) chuan a supply dawn a ni. February thla aṭangin postmen leh postwomen 90,000-te chuan an uniform thar hi an ha tawh ang.